الجوانب السلبية فى الشخصية المصرية

[coloالجوانب السلبية فى الشخصية المصرية ( مطرح ما ترسي دوقلها ) ..! !
الحلقة الأولي





تقريبا كده إحنا الشعب الوحيد من دون شعوب الارض اللى بيحب ينقد نفسه ويتريق على نفسه ..وده شىء جميل لو كان النقد ده حيديك شلوط للأمام ..أما إذا كان النقد ده حيهبط من روحك المعنوية يبأه بلاش ونردد مع عم سمعه ( إسماعيل يس) ثلاثيته الرائعة ( عال ..عال..عال ) ،لكن فى الحالة دى لو قعدنا نقول ( جزر ) للصبح ولا حد حيغتنا حتى لو جبنا سوق الخضار كله .. يبأه لازم ننقد -كعادتنا احنا المصريين - وده اللى بيسموه ( جلد الذات ) ..ولما نحب نجلد نفسنا كمصريين يعنى موش محتاجين كرابيج .. احنا بس محتاجين نبص حوالينا وفينا ..


نرصد الجوانب السلبية اللى سطبت نفسها جوانا واللى كمان اتولدنا لاقيناها موجودة فى المجتمع .. هى عادات سلبية ترسخت فى الشخصية المصرية اللى الكثير من المحللين بتوع علم النفس قالوا انها فى الغالب سلبية واللى ترسخت فى المثل الشعبي ( مطرح ما ترسى دوقلها ) و( اربط الحمار زى ما عايز صحبه) وغيرها من الامثلة الشعبية .. واللى حعمله رصد بسيط لسلبيات أنا شايفها ليس إلا ..وطبعا اللى بيكلمكم موش واحد من ( هنولولو )
هو واحد برضه مصري .


1- ثقافة المربوط والسايب





كلنا طبعا فاكرين الاحتلال الفرنسي .. وزى ما درسنا فى إبتدائي ولا أعدادي إن الاحتلال الفرنسى جاب معاه شوية علماء ...العلماء دول عملوا بعد 3 سنين من وجودهم فى مصر كتاب عن وصف مصر .. الكتاب ده نشرته مكتبة الاسرة مؤخرا ..المهم فى الليلة دي إن علماء فرنسا فى الكتاب ده بيحكوا حكايه عن الفلاح المصري الفرعوني القديم... وانت بتقراها تحس انهم بيشدوا فى شعرهم من عمايل الفلاح المصري القديم .. بيقولولك إن الفلاح المصري القديم مكنش بيدفع الضرايب مع إننا كلنا عارفين إن الضرايب يا اخوانا (مصلحتك أولا ) ولا نزعل بتوع التليفزيون مننا ..المهم بيقولولك انهم مكنوش بيدفعوا الضرايب دى حتى ولو معاهم فلوس ( المصري بلطجي من يومه يا جدعان ) ، فالفرعون بأه يجيب الفلاح ده وهاااااااا حتدفع ولا ننادي فرج( على غرار فيلم الكرنك وإلا تلاقى فرج باه كان دلعه زمان أيام الفراعنة رعميس ولا حاجه) ؟! ..


فالفلاح يقعد يحلف بكل الالهة اللى عبدها الفراعنة واللى موش ناويين يعبدوها كمان انه معهوش ولا مليم ..فالفرعون بعد ما يفرك شنباته يقوله جواب نهائي ؟! ..فيرد الفلاح ومن غير حذف اجابتين كمان يا فرعونا المتفرعن .. فيضطر الفرعون إنه ينادي فرج .. ويبدأ فرج فى مد الفلاح على رجليه ( كانوا مدلعنهم اخر دلع زمان ) لغاية ما يقول الفلاح بمكان الفلوس ويذهب جند الفرعون علشان ياخدوها ..وطبعا بقية الفلاحين اللى كانوا ناويين يعمله زيه بقوا يدفعوا من سكات ..طب ما كان من الاول يدفع بالذوق مهو عارف اخرتها ! لكن أبدا ..لازم ياكل العلقة التمام علشان يقر ويعترف ..ومن هنا سطرت فى سجل فهم الشخصية المصرية عند البعض هذه العبارة ( المصري لازم ينضرب علشان يمشى عدل) ..ورغم انى موش موافق على الجملة دي لان مصر على مدار تاريخها أثبتت ان فيها (رجاله ووقفوا وقفة رجالة) لكن ده ميمنعش ان ممكن يكون فيه قطاع كبير كده خلت العبارة دى تطلع ..


وتعالوا كده نتأمل حالنا .. من واحنا صغيرين فى المدرسة كانت العصاية هى البعبع وهى العفريت لنا .. فكنا موش بنعمل أى حاجه خوفا من عصاية المدرس .. مبأش الواحد فينا بيعمل أى حاجه عن إقتناع ومن منطلق الصح والغلط بقدر ما هو الخوف اللى بيحرك فينا كل حاجه ..ده حتى لما تلاقى دكتور فى الكلية بيعامل الطلبة بإحترام وعاملهم شخصية ، بالعربي كده الطلبة بتركبه .. وموش بتعمله اى اعتبار .. لكن لما يطرد طالب او اتنين او يهزقهم او يسحب كارنيهتهم تلاقى الباقي كله زى الألف من الخوف احسن يحصل لهم زى ما حصل للضحية زميلهم ..يبأه القضية ان فيه خلل فى الشخصية بتاعتنا اللى إتربت على الخوف واللى اتربت على انها لازم تتهدد ولازم تُتوعد علشان تسمع الكلام وتمشى على الخط المستقيم وبالتالى فالمثل القائل ( اضرب المربوط يخاف السايب مجاش من فراغ)
2- إبن مين فى مصر






( إنت موش عارف إنت بتكلم مين ) ..( أنت موش عارف أنا بن مين فى مصر ) .. دى العبارات اللى على لسان الشخصية المصرية المسنودة .. من فترة شاهدت موقف فى إشارة المرور لما عربية ملاكي أرادت كسر الأشارة والعسكري الغلبان منعها فكلمه الراجل اللى راكب من الشباك بكلام مسمعتهوش من مكاني بعدها لاقيت العربية بتتحرك تاني لتكسر الاشارة فوقف أمامها العسكري ووضع المانع الحديدي قدامها .. فنزل له الراجل اللى فى العربية وعايز يتعارك معاه مهددا ومتوعدا مرددا الجملة الى سمعناها فى اكتر من فيلم عربي( إنت موش عارف انت بتكلم مين ) ..ووقف الناس مع العسكري الغلبان فى موقفه ودعموه .. هى القضية ان الشخصية المصرية لما بيكون فى إيدها سلطة أو بتكون مسنودة بتفتري إلا من رحم ربي .



.ده تحليل دقيق للشخصية المصرية .. وحتى لو كانت الشخصية المصرية لا هى مسنودة ولا نيلة فتقوم بالتمسح فى أى شخصية مسئولة حتى ولو كان لا يعرفها ولا تعرفه فحدث مرة ان واحد قعد يصدعنا بخاله اللى شغال فى جهاز أمني ميعن وفى الاخر اتضح لنا ان خاله ده بيقدم قهوة وشاى فى الجهاز ده .. فالشخصية المصرية بتعتمد بشكل كبير على إنها لازم تكون مسنودة ولو موش مسنودة تدعي انها مسنودة لاقتناع منها إن اللى ملهوش ظهر ينضرب على بطنه ..والسبب فى الاعتقاد ده طبعا هو المجتمع اللى فرق فى المعاملة بين ناس وناس ..وكان ده السبب فى ترسيخ الاعتقاد المصري الصيت ولا الغنى .


وتابعووووووونا
فى الحلقة الثانية
قريبااااااااا
بقلمي
أكــرم صـــبري
__________________

هبط الجنيه من قمته والمليونير : ضج ولطم
ولما تهبط ذمته الحزن ينساه والألم
ياما الجنيه رخص رجال وغلى أسعار الغنم
فليسقط الصنم الجنيه اللى بتسجد له الأمم

r=darkred][/color]

jمام يا مؤمن

بصراحه اصلا الشخصيه المصريه عمتا سلبيه بأستنثاء اى حاجه تانى     مشكور ياجميل