شعر مسجات للغالية

كيف تنسى من يحبك كيف تذكر مـن نسـاك
كيف تبعد عن خفوق ما يمـوت إلا عليـك
كيف ترضى في عذابي كيف تنكر من هـواك
وأنت تدري عن خفوقي تدري إنه ما نسيـك
المصيبه ما يهمك من نسـاك ومـن شـراك
رحت للي مـا يبيـك وبعتنـي وأنـا أبيـك


-------------


قريتـك وإستفد قلبي مِـن المضمون بـكتابك
تَعَلَّم قلبي مِنْ إيدك علـى كِـل ما مضى يندم
زرعتِك شُوق أتحرى حضورك وأثمر غيابك
تِحَمَّلتِك ولكنـه جبرنـي الجـرح أتكلم



---------------



رد الخفوق اللي خذيته رهينـه
مادام أشوفك صرت ماتعتني فيه
رده معـزز لا تحـاول تهينـه
به من عذاب الوقت ماهو مكفيه


-------------


يالليالـي علميهـا مـن انــا علميها خبريهـا مـن تكـون
علميها من هو فينا اللـي جنـا من هو فينا اللي قتل قلبٍ حنون
علميها من سهـر ليـل العنـا علميها من شكى جرح الطعـون
علميها من هو شتـت بعضنـا علميها من خدش خد الشجـون
علميها مـن هـدم فينـا وبنـا علميها من هو فينا اللي يصون
علميهـا عـن نهايـه حبـنـا علميها عـن بدايـات الجنـون
علميهـا انـي وفيـت بـعهدنـا علميهـا قلبـي لايمكـن يخـون
علميهـا هـي سبايـب بعـدنـا وانتزاع الروح من صدر الغصون


--------


أعلن رحيلـك قـدر الإمكـان
بس الفراق يكون بـأسلوب هادي
ما ودي بـفرقى الم ودمع وأحزان
ودي يكون فراقنا بـشكل عـادي


-------------


عيد النظر بـاللـي تبيـه وتـروّى
ترى فراقك صعب ماهوب عـادي
ماشفت طاري البعد وشلون سوّى
فينـي وأنـا قـدام عينـك وهـادي
هلت دموعـي وانـت عينـك تقـوّى
حبست دموعك مـات جفنـك ينـادي


----------



يا أميـر الظلـم اسمعنـي و ياسيـد الجـراح
والكلمه اللي تستحـي منهـا معايـه بدّهـا
امّا تعال بـشوق دمْع الحب مـن عينيـه سـاح
والا تحمّـل غيبتـي مـادام قلبـك قدّهـا
وان كنت خاين ماتبي حتى من رضاي السماح
الله .... طيبه النيّـه ويلعـن جدّهـا


-----------



يا أغلى حب بعثرني ورتبني بلا استئذان
وأول قلب بـالدنيا نفى الدنيا على شاني
يكفيني وهم إني بحبك مغترب ولهان
ويكفيني أسى إني رسمتك نصفي الثاني
تعبت من الهموم وذكريات الجرح والحرمان
وآخر مابقى من حبك اللي زلزل أركاني
وأنا أوعدك يا أجمل ليال الحب يافتان
لأسافر عن عيونك للبعيد اللي تمناني !


---------


خلاص اليوم بـ عيوني بِـيِّشْهد ناظري لحـدي
وش أيامي بعد خلي ألا ياليت مـا ريتـه
ألا ياليت ما شفته وغدالي قطعه مـن كبـدي
ألا ياليت مـا عشتـه وترقبتـه وحبيتـه


-----------



هدّ السهر حيلي ولاشفت لك نور
وينك غيابك زاد فيني عذابي
كانك تبيها جد ياسيد الحور
تعال شفني كيف أعيش إغترابي
شفت القلوب بـغيبتك كلها بور
لأنك أول شخص قرأ كتابي


-------------



إلا يا آخر بقايا لي إلا يا أعزْ من نادمت
تذّكرني بك اقرابي تذّكرني بك الأصحاب
إلا يا ذاكره حبي وعشقٍ في صروحه همْت
تراودني ملذاته وأموت اليا ذكرته غاب



----------



عقبك غدت كل الليالي حزينه
ومافيهـ عقبك من يسد بـمكـانك
روحي غدت للياس منّك رهينه
وخان الزمن فيني وخـانك زمانك
مثل الغريق اللي يتحرى سفينه
ظليت انا اتحرى يجيني حنانك
ماغير اقلّب ذكريات دفينه
يوم الهوى عايش بـدنيا جنانك


----------




قولوا لها يوم راحت بس وشـ خلّت
إلا ّ أنا بس ادورني !ولا القاني
قولوا لها بس يكفي بُعد ماملّت
خطير ابكّي على هـ الحال جدراني



-------




تعبت أسافر بك وألم أشيائي
وأنت الصغير اللي ترك بلدانه
بعدك وطن كلهـ كذا ضوضائي
كافر يهزأ مسلم بـإيمانه
:
عـنـدي ســؤالٍ فـاقـدٍ لـه أجابه
يمـكـن تخـفـف بـاقـي الـهـم فـيـنـي‏
تـدري بـ حيـاتـي عايـشـهـ فـي كـآبـه
بـس الـوكـاد انـك تـجـدد حنـيـنـي
فــي غيبـتـك حسـيـت انـــا بـإغـتـرابـه
قلـبـي بـعـد فـرقــاك عـيــا يجـيـنـي ‏
وسـؤالـي الـلـي ينـتـظـر لـه إجـابــه
ابـي أعـرف إن كـان بعــدك تبينــي


-----------



أقوله لا تغيــب
و يحرق أعصابي دلع و يغيب
يغرّبني عشان أقلق و أجيه و أسأله وينه
مدامه ما فهم إني أحبه و أعشقه بالطيب
بخليْ اسلوبه الظالم حكم ما بيني و بينه
بغيب و بترك غيابي يذوّق قلبه التغريب
حرام إن عدت لين ألمح ملامح فقدي بـعينه



-------------



نويت انا ابعد لاكن القلـب محتـد
المشكله طبع الوفا مـن صفاتـي
كانك على صدك انا مانـي مصـد
في دفتر أشعاري ابكتب وصاتـي
اما نكون اثنيـن والثالـث الـود
ولا ترى يابنـت ابعلـن وفاتـي
-------------



أمس لا تسألني عني أسأل الليل وعيونه
طول ليلي أتقلـّـــب كن ماني في مكاني
أسأل إحساسي بـحيره ليه ظنونه هي ظنونه
ليه أشك وليه أغير وليه تطعّني الثواني
رغم إني منطـــقيه وأدري أبي أعيش دونه
لكن ارفض اعترف لي وأحسبه عايش عشاني
--------------
حبك وفرقاك مفروضات فرض
فـ الحياهـ الزايلهـ حنـّـا دما
واللقا واللهـ مهوب اللي فـ الأرض
ادع ربك نتلاقا فـالسما ء


-------------


يذوب الثلج فـ عيوني على جال الهدب والنار
ولا حسيت غير أني أصيح وصوبك الطاري
ندهت أرجع هنا أمسي هنا ذنبي هنا إستغفار
هنا شفت الأمل يُقتل هنا شفت الحيا عاري


--------------



أثاري للزمن حكمهـ وأثاري للوجود غيـاب
سألتك مابقى غير الجواب وتكـرهـ أخبـاري
أنا ماجيت من غرب الذنوب ومشرقي نصاب
بغيتك صوت في صدر الصواب ونبرهـ أوتاري

-------------



ما يستوي في الحـب حـيٍ ومذبـوح
ولا يستـوي بـالشـوك وردٍ يفـوحـي
كيف الجسد يعيش في غيبه الـروح
وكيف الطعون الخضر تشفي جروحي


----------




كنت الهوا اللي ما زفرته من تنفسته شهيـق
كنت الذهول اللي تشل اطرافه ثلـوج الجفـا



-------------



يداعبنـي خيـالاً ماتناسيتـه ولـو لحـظـات
يفز النبض من صدري واجر الصوت انادي لـه
على شانه سريت الدرب نبضي يسبق الخطوات
ونار الشوق تركض بي على سرجه عـل خيلـه
انا الوافي وانا المخلص معك لين آخـر الأوقـات
أسوق العمر في حبك ودرب الموت بمشـي لـه



---------