شيتوس المصرى
الــــمــديــر الـــعـــام
عدد الرسائل : 1511
العمر : 33
المزاج : شغال
نقاط : 1872
تاريخ التسجيل : 18/02/2009
 |  موضوع: حوار مذيع مع النجمه فرخه صاحبة اغنية قطعنى يا معلم...  الإثنين فبراير 23, 2009 12:11 pm | |
| النجمه فرخه صاحبة اغنيه قطعنى يامعلم ادخل وفرفش
--------------------------------------------------------------------------------
حوار مع فرخة مهمة
طبعا الكل عارف النجمة الفرخة اللامعة اللي عملت أغنية ( إدبحني يا معلم ) اللي نزلت على نجوم إف إم من فترة قريبة
بل و على قنوات الراديو كلها تقريبا .
إنطلاقاً من الشهرة اللي حققتها الأغنية دي قامت شركة ( روتانا فور تشيكن ) بإرسال طاقم من الغربان مكوّن من مذيع
و عدد من المصورين و ذلك لإلقاء الضوء أكثر على نجمتنا الساطعة .
المهم راح الطاقم ده متوجه إلى مزرعة الدواجن اللي الفرخة عايشة فيه وراح المذيع مخبط على باب العشة
تك تك تك تك
النجمة فتحت الباب و بصت فاتخضت راحت قافلة الباب بسرعة
المذيع : حضرتك متخافيش إحنا جايين لحضرتك من شركة ( روتانا فور تشيكن ).
النجمة : و الله ؟ . طب ثواني .
و راحت نجمتنا فاتحة الباب و دخلت الطاقم .
النجمة : إتفضلوا إرقدو عل البيض لغاية لما أجيبلكوا حاجة تشربوها .
المذيع : لأ مفيش داعي حضرتك , إحنا جايين نعمل مع حضرتك إنترفيو مش أكتر .
النجمة : لأ اتفضلوا براحتكو . إسألوني اللي إنتو عايزينه .
المذيع : أولاً , ممكن نجمتنا تعرف نفسها للجمهور .
النجمة : كوكي
المذيع : ممكن الإسم الثلاثي معلش ؟ .
النجمة : كوكي بيض الخزين مسلوق .
المذيع : و بالنسبة للمؤهل الدراسي ؟ .
النجمة : ليه الإحراج ده بقة , للأسف مفيش , بس بعرف أقرا و أنكش .
المذيع : و هل ممكن تقوليلنا عن سنّك ولا ده سرّ من أسرار النجوم ؟
النجمة : عندي 31 شهر .
المذيع : طبعا إحنا عارفين إن كل نجم و ليه هوايات , فإيه هيّا هواياتك ؟ .
النجمة : الصراحة معنديش غير هواية واحدة و هي في نفس الوقت موهبة . الحمد لله بكاكي حلو أوي .
المذيع : و يا ترى بتحبي تكاكي لمين ؟
النجمة : بحب أكاكي للفنان ( كتكوت الصغيّر ) اللي إشتهر بأغنية ( العلف العلف العلف ) .
المذيع : ممكن نجمتنا تقولنا إزاي دخلت الفن من أوسع أبوابه ؟ .
النجمة : و الله أنا كنت مقدمة في ( فراخ أكاديمي ) في المنوفية و كسبت الحمد لله بفضل ربنا أولا و الجمهور .
المذيع : و إيه تعليقك على فنانات الوقت الحالي من حيث الأداء و المظهر .
النجمة : الأداء زفت . أما بالنسبة للمظهر فأنا بتمنى إنهم يتحشموا شوية في الريش اللي بيلبسوه .
المذيع : و بالنسبة للفنانين .
النجمة : نفس الكلام برده , بلاحظ إن كل ديك يطلع يغني يجيب حواليه ميت فرخة مودلز بريش خليع و حركات
تخلّ بالعرف .
المذيع : في نهاية الحوار عايزين نجمتنا تقول كلمة للجمهور .
و فجأة دخل صاحب المزرعة و ف إيده سكينة , راحت الفرخة بلعت ريقها
و قالت : أتمنى إن جمهوري العزيز يفتكرني بالخير , وسلام بقة عشان رايحة أصور الكليب .
المهم بعد يوم إنتشر خبر وفاة نجمتنا على جميع القنوات اللي بتطير و الأرضية و عم الحزن عل الجميع.
و واجب علينا إننا نقرالها الفاتحة
و عل العموم بالهنا و الشفا للي كلها
و بقوله اللي ياكل لوحده يزور . | |
|
عاشقه الهدوء
الــــمــــشــرف الــــعــــام
عدد الرسائل : 894
العمر : 36
نقاط : 872
تاريخ التسجيل : 22/02/2009
| | موضوع: رد: حوار مذيع مع النجمه فرخه صاحبة اغنية قطعنى يا معلم... السبت فبراير 28, 2009 11:03 am | |
| | |
|
taymoor
الــــمــــشــرف الــــعــــام
عدد الرسائل : 228
العمر : 39
نقاط : 27
تاريخ التسجيل : 01/03/2009
| | موضوع: جووووووووووووووووود الإثنين مارس 02, 2009 5:10 pm | |
| | |
|
taymoor
الــــمــــشــرف الــــعــــام
عدد الرسائل : 228
العمر : 39
نقاط : 27
تاريخ التسجيل : 01/03/2009
| | موضوع: مضحككككككك الثلاثاء مارس 03, 2009 5:08 pm | |
| | |
|
اسير الحب
عـــضـــوهــيـــاكـــل مــعــنــا
عدد الرسائل : 50
العمر : 31
المزاج : زوعععععععععععععععة
نقاط : 50
تاريخ التسجيل : 07/05/2009
| | موضوع: رد: حوار مذيع مع النجمه فرخه صاحبة اغنية قطعنى يا معلم... السبت مايو 09, 2009 10:53 am | |
| | |
|
Hamis
مـــــــشـــــــرف قــسـم فرفشه ونعنشه
عدد الرسائل : 605
العمر : 33
المزاج : No Comment
نقاط : 821
تاريخ التسجيل : 14/05/2009
| | موضوع: رد: حوار مذيع مع النجمه فرخه صاحبة اغنية قطعنى يا معلم... الخميس مايو 21, 2009 8:20 pm | |
| هههههههههههههههه ياحرام نايس ياقمر | |
|
